Kalapani Valley District Astore

وادی کالا پانی تحصیل استور میں واقع ہے، بعض لوگ اسے  دیوسائ سے منصوب کرتے ہیں، جس کی وجہ اس علاقے کے بارے میں مواد کا انتہائی محدود ہونا ہے. وادی کالا پانی دھرلے جھیل سے شروع ہوتی ہے جس کے بعد سرسبز میدانوں اور برف پوش پہاڑوں کا نا ختم ہونے والا سلسلہ شروع ہو جاتا ہے، جو کے قمری ٹاپ سے پہلے ایک وسیع میدان میں جاکر ختم ہوتا ہے یہ میدان سرسبز ہونے کے ساتھ ساتھ فلک شگاف چوٹیوں سے گھرا ہوا ہے جبکہ میدان کے بیچو بیچ صاف شفاف پانی رواہ ہے یہ پانی کوسوں دور سے آے چرواہے اور ان کے مویشیوں کے لیے زندگی کی نوید ہے یہاں آنے کے بعد ہزاروں مویشی تندرست و توانا ہو کر ملک بھر میں موسم سرما آنے سے پہلے روانہ ہو جاتے ہیں جس کے بعد سرسبز میدان برف کی چادر اوڑھ لیتے ہیں

اگر ہم اس حسین وادی میں سہولیات کی فراہمی کے حوالے سے بات کریں تو وہ نہ ہونے کے برابر ہیں سڑک ٹوٹ پھوٹ کا شکار ہیں بلکہ سڑک سرے سے ہے ہی نہیں اگر آپ نے وادی کالا پانی کا سفر کرنا ہے تو آپ کو جیپ یا موٹر سائیکل پر ہی جانا ہوگا اس کے علاوہ علاقے میں کوئی ورکشاپ بھی موجود نہیں ہے اگر آپکا ارادہ اپنی فیملی کے ہمراہ جانے کا ہے تو اس علاقے میں سہولیات کی فراہمی بہت کم ہے البتہ علاقے کے مکین بہت کشادہ دل اور مہمان نواز ہیں جس کی وجہ سے آپ بے دھڑک اس علاقے کا رخ کر سکتے ہیں

اگر ہم وادی کالا پانی کی خصوصیات پر بات کرتے ہیں تو یہ وادی اپنی سرسبز میدانوں کی وجہ سے مشہور ہے اس کے علاوہ یہاں قدرتی جھیلیں بھی موجود ہیں جن میں سے دو جھیلوں کی گہرائی زیادہ ہونے کی وجہ سے ان کا پانی سیاہ عکس دکھاتا ہے یہی وجہ ہے کہ اس علاقے کو کالا پانی کے نام سے جانا جاتا ہے

اگر آپ کیمپنگ کے شوقین ہیں تو یہ علاقہ آپ کے لیے کسی جنت سے کم نہیں صاف بہتا ہوا پانی اور مخملی قالین کی طرح گھاس کسی بھی طرح گھر کے آرام دہ بستر سے کم نہیں اگر آپ ٹراؤٹ مچھلی کا شکار کرنا جانتے ہیں تو آپ اس علاقے میں اس سے بھی لطف اندوز ہو سکتے ہیں دھرلے جھیل جہاں  سے اس وادی کا آغاز ہوتا ہے ٹراؤٹ مچھلی کا گھر مانا جاتا ہے غالباً تین سو روپے میں آپ یہاں دن بھر ٹراؤٹ مچھلی کا شکار کھیل سکتے ہیں. جہاں تک کالا پانی وادی تک پہنچنے کی بات ہے تو وہ بہت آسان ہے اگر آپ استور سے دیوسائ کی طرف جاتے ہیں تو راستے میں ایک بازار سے گز ہوتا ہے جس کا نام گری کوٹ ہے اس بازار سے تقریباً ایک کلومیٹر آگے رٹو موڑ آتا ہے جہاں سے آپ رٹو کی طرف مڑ جاتے ہیں اس موڑ سے رٹو تک کا سفر تقریباً پچیس کلومیٹر ہے جس کے بعد آپ دھرلے جھیل کی طرف جاتے ہیں رٹو سے دھرلے جھیل کا سفر تقریباً پندرہ کلومیٹر ہے دھرلے جھیل کراس کرتے ساتھ ہی آپ وادی کالا پانی میں داخل ہو جاتے ہیں جوکہ تقریباً بائیس کلومیٹر پر پھیلا ہوا ہے دھرلے جھیل سے لیکر کالا پانی کا آخری میدان تقریباً بائیس کلومیٹر دور ہے جس کے بعد کسی بھی قسم کی گاڑی اور موٹر سائیکل کا راستہ ختم ہو جاتا ہے

اگر آپ ہایکنگ کا شوق رکھتے ہیں تو کالا پانی سے آپ قمری ٹاپ کراس کر کے دومیل داخل ہو سکتے ہیں جو اپنی خوبصورتی کی آپ مسال ہے اس کے علاوہ آپ شونٹر پاس ک زریعہ سے وادی نیلم میں بھی داخل ہو سکتے ہیں

آخر میں آپ سے یہی کہوں گا کہ یہ علاقہ فلحال ٹورسٹ کی نظروں سے اوجھل ہے اس سے قبل کے اس علاقے کا حسن بھی زیادہ ٹورسٹ کی وجہ سے ماند پڑ جائے جلد ہی فیصلہ کیجئے اور اس سحر انگیز وادی کے حسن سے لطف اندوز ہونے کا مزہ اٹھا لیجئے